香港語言學學會

　

第九屆粵語討論會

　

粵音的表徵和標準：粵拼和正音

　

二零零九年十一月十四號

　

徵求論文

第一號通知

喂喂，第九屆粵語討論會（穫九）定喺二零零九年十一月十四號（星期六），晌香港科技大學度搞。主打題目就係「粵音的表徵和標準：粵拼和正音」，大家可以集中睇吓「粵拼」同「正音」兩大範疇，譬如：

　

一、討論語音時現代語言學強調要採取描述性（descriptive）嘅態度，但決定用邊本辭書、邊個學術機構、邊個學者、邊班群眾作為正音嘅根據時，當中總以權威性（prescriptive）嘅態度一錘定音。唔通，現代語言學真係唔可以同正音夾埋一齊嚟搞？

二、語文教育學家推崇正確嘅文字、句子、發音，咁佢哋典樣從正確嘅語言形式嚟討論粵拼嘅理論同應用嘅問題呢？

　

除咗上面兩個課題之外，大家重可以從粵音嘅歷史演變、習得過程、理論建構等等嘅角度講吓粵拼或者正音嘅問題。

你會有二十分鐘讀你篇文，同埋十分鐘討論。講嘢可以用粵語、普通話同埋英文嚟講。論文個eps1cwek4用中文或者英文寫都冇相干，但係唔好超過一張A4紙。個eps1cwek4同埋作者個名、做嘢／讀書嘅院校、衣貓地址，以DOC格式腥去：yyiu@ust.hk。記住下面重要嘅日子噃：

　

摘要截稿日期：二零零九年十月二十六號（星期一）

接納通知書發出日期：二零零九年十一月二號（星期一），用衣貓通知你

　

你呀，有啲咩唔明就衣貓畀阿姚玉敏啦（yyiu@ust.hk）。至於啲di1teu4嘢、up1dei1嘢，同埋啲lam4sam2嘢就梗係睇呢個西啦：www.swtang.net。